ယု္အဲထုက္ ပု္ဖႜဳံထီ့ခါန္ၟ
အွ္႓ုဂ္ထတယ္ခြဲြါက႟င္
လု္႓ုဂ္လု္ယာင္ဍဳံထု္အင္
မိင္ဖႜဟ္သွ္ဖႜာထုိင့္ေကာ၀္ၾကင္။
ကၞ၀့္ေယွာတ္ထီ့ဖါန္သႜာ
အင္းလူၟယွံင္မုက္သုင္းမိင့္သာ
ဖႜဳံယွင္ေဖါဟ္ဍဳံဌာန့္လင္ၟဍာ
မြာဲတု္ယွာၟ ယွဴးမုက္လု္ဖါ။
ဆု္ယ၀္ထင္းေအထံင္အု္ခါ့
လီဟွယ့္အူး ခႜိင္းယွဴးလု္သာ
လု္မုဂ္ဍင္ ဆိင္းဃွီးသႜာ
က်ာ္ၾသီ့အွ္ထုိင္ၟလုိဒ္ၟကါ။
ထုိင့္ဖူ၀ဲါ ပု္ဖႜဳံေဍယွင္
မာဆိက္ မာဃွဳဂ္အွ္လု္ဏင္
ပု္တာ တု္၀ယ့္ ဆိက္လင္က်င္
သုင္း႓ူးဖႜာ္႓ူး မုက္ကုိ၀္႓ႜင္။
ေအထံင္ဍ၀္ထီ့ခါန္ၟမူၟဏီ
ဆု္ဃွီ႔ဆု္လာ တုံၟထုင္းလီၟ
ၿပိဳင္ဃွံင္ပါမုက္လံင္ေဍခီၟ
ပု္ယွာၟခႜဳိ၀္ထ၀္ၟလု္အု္၀ီၟ။
ကုဂ္႓ူးဟွံင္ ဏိင္းသင့္ေအထံင္
ဖႜဳံယွင္ေဖါဟ္ဟွယ့္ထာင္ဍးခံင္
ေဍာဟ္ထင္းေကႜာဟ္ဏိင္းသင့္ပၱံင္
ထုင္းလီၟတုံး ပါမုက္အွ္ယွံင္။
ထာသု္၀ၚ(ထီ့၀ါန္ၟရ၀္)
ပု္ဖႜဳံေဖါဟ္ယို၀္ လု္၀ီၟအုိ၀္ဏွ္
ထီ့ခါန္ၟဇာတာ္ အွ္၀ယ္ဍးလွ္။
အွ္ယ၀့္အင္းယ၀့္ ဏယ့္ယ၀့္ဆု္ဏဲ့
ဃွဴ႕ဃွင္ပႜီပႜာ လု္ယိက္လင္ကြဲ
ပၞာ့အု္ဍံင္ ေ႓့သုိ၀္လွ္္ဆြဲ
တူတူ႕လဝ္ေဟွဝ္ အင္းပႜ၀္ခြိက္ဖႜဲ။
ေ႓့ဏွ္အု္ဍံင္ မု္လ၀္ပၞာ့့
ပု္ဆုိဒ္ေဖါဟ္စ၀္္သၱာ္အွ္သာ့
လု္ေမံယာ့အုိ၀္ ဖႜဳံခင္းေအၟခါ့
ပု္သယ္ေ၀့ယုိ၀္ ခါ့ခင္းသုိင့္ခါ့။
လု္၀ီၟဍးအုိ၀္ ေလ၀္ယွံင္ဖ၀့္တုိင္
က၀္တူလု္ဆင့္ လု္လင္ဖါလုိင္
ဃွဴ႕ဃွင္သၞ၀့္ ဏု္ဏု္ယု္ယု္
ဃွီ႕သာ့မ်ားဏယ့္ ဆု္အင္းအုဂ္ဆုိင္။
လု္ယာ့ဖ၀့္တုိင္ ပု္သယ္ဍးစုိ၀္
ေ႓့မု္ထံင္ဍ၀္ ပု္စူးဖုိင္သုိ၀္
ငယ္င၀္လု္အွ္ ကုက္တု္ယွာၟ႓ုိ၀္
မြာဲလွ္ထီ့ဆာ မု္ေဏ၀္ၟသၞဳိ၀္။
ေ႓့ဏ္ွသုိ၀္အွ္ ပု္ဆု္ေယာ၀္ၟလာၟ
ဆုိဒ္႓ံင္ဆု္မာ ကုိ၀္ဟွာေယာ၀္ခါြၟ
ဏု္ယုု္လု္မြာဲ ဆုိဒ္ဟွင္ၟထၞာၟ
တု္တြယ္ဍိင္စူး ကုက္ဟွယ္တု္ယွာၟ။
လု္ဖုက္ေမံလံင္ ဟွယ့္တုိဒ္ခါ့ယို၀္
ပု္ဆု္ပု္ေယာတ္ ခီလယ့္ဏွ္အုိ၀္
ေ႓့လု္ပႜီပႜာ မု္ခိုင့္ယိက္သုိ၀္
ဖံင္းကိက္စူးထုင္ၟဍဴး႓းလဲ႓ုုိ၀္။
ဏု္ယု္လု္မိင္ လင္ဖါပႜီၿပာ
ဆု္နုိင့္လင္ဖါ ေခ၀့္အာင္းလုက္ခႜာ
ခီလယ့္လု္အွ္ ပု္ေအၟကါင္ဖါ
ေမံထီ့႓းလင္ ဆုိဒ္သုဲးထီ့ယြာ။
ဖ၀့္တုိင္လု္ဍး ပု္ေ၀့သယ္ယုိ၀္
လင္ဖါလင္က်င္ မြာဲ႓းလဲ႓ုိ၀္
တၞင့္လု္ဍး ယာင္ေယာတ္္ဟွာဖႜဳိ၀္
ဆု္ကုံးလုက္အု္ထုက္ဟွင္းယွာနုိိ၀္။
ဖ၀့္တုိင္ကု္ဆာၟ ေလ၀္သာ့ခ၀့္လဲ
ပႜာ္ဂုဏ္ေဏ၀္ၟပု္ ဏု္ မာလု္ကဲ။
ေဟွ၀္လု္ဟွာဟွင္ၟ မုက္ဏ္ုသာဏဲ
ဖႜဳံေ႓့ဏု္သုိ၀္ ပု္ေဝ့သာမဲ။
လု္ဟွာဟွင္ၟဍ၀္ ပု္လု္ကုက္မာ
လုက္ဆိင့္ဟွင္ၟလွ္ ပု္သယ္႓းသာ
ေဟွ၀္ေဏ၀္္ၟပု္ဆုိဒ္ ထူရူ႕မုင္ၟ႓်ာ
ဆု္ဃွီ႕ဆု္လာ အွ္ေ၀့ယာဲဖါ။
လု္ထံင္ဖဝ့္တုိင္ ထုဲလင္ခင္းဟွး
ဟွာင္ၟလု္လုက္ဍာ္ ထုင္ၟက်ာလွ္ဟွး
အု္ဍဳိဝ္ဆု္ခႜာင္ေ႓့ဏွ္လု္ဖး
အု္တင္အင္းဃွဴ႕ မြာဲဍ၀္လု္ဍး။
လု္ယို၀္မု္လ၀္ ပု္ဆုိဒ္ေဖါဟ္က်၀္
ဆု္နုိင့္လင္ဖါ ေခ၀့္အာင္းလုက္ပႜ၀္္
ဆု္ဃွဳင့္ဆု္က်ာ အွ္တယ္ထ၀္ထ၀္
လု္မြာဲပ္ုဟွင္ၟ မာလုက္မု္လ၀္။
မူၟူေမံယံင့္ဖႜဟ္ အွ္ဏယ့္ခုဲၟထ၀္
အု္ဍံင္ဏဲလင္ အု္ခ၀့္ေဟွ၀္ဍ၀္
ဖႜဳံယွင္ေဖါဟ္သီး ထင္းဍဳံလုက္က၀္
ဖ၀့္တုိင္အု္ရၜ ေဏ၀္ၟလာၟ႓းဟွ၀္ၟ။ ထာသု္၀ၚ(ထီ့၀ါန္ၟရ၀္)
19,03.10
ဏီ့ထံင့္လု္ဆီ့ ဏိင္းအု္သင့္
ကု္တုဂ္၀ွ္လာလင္သုိင့္သင့္
လု္ုဍဳံ႓င္ကုဂ္ ပု္ဖႜဳံယွင္
မာ႓ုံးယွံင္ ပညာ့ေမံဖါန္။
အ္ွ႓ုဂ္အ္ွယာင္ ထုိင့္ဖူ႔၀ဲါ
ပါေဍာဟ္ယုဂ္ယာန္း ဆုိဒ္လိက္လာဲ၊
ဟွယ့္ယွံင္အး ဂမႜဳိင္ၟလု္ဖး
သာကုဲအဲဍဳိ၀္ မုက္သားမ်ား။
ပု္္ဆုိဒ္ဆု္ဃွီ႔ ပု္ဆ္ု္ခႜာင္
ပု္လိက္ပု္လာဲ အွ္အးစာင္
ဆုိဒ္႓ံင္သင့္သီး ၀ီၟကုံထာင္။
စင္ၟ႓ုိ၀္ဏွ္ ဆံင့္မံင္းေအထံင္
ဟု္ဆုိဒ္႓ံင္ ဟု္႓းလံင့္ကံင္
ဟု္ဆုိဒ္လိက္ မာေလာဟ္မာဍံင္။
ေ႓့ဏွ္သုိ၀္ လ၀္ဏဲပၞာ့
ဖႜဳံယွင္ေဖါဟ္ ္ပ်ဳက္လာၟကို၀္ဟွာ။
ေအလံင္မာပ်ဳက္ ဆုိဒ္ဃွာၟဃွံင္
ပု္ဆုိဒ္႓ံင္ မု္လင္ေအာဟ္ဟွံင္။
ထာသု္၀ၚ(ထီ့၀ါန္ၟရ၀္)
9.3.2010
(နာန္ၟဖ၀့္က၀္ေက၀္)
ပု္ေလ၀္ဃွာင္းလု္ ဏံင္း ဆိက္ ဏါင္
ကု္ပယ္ဍိဳ၀္ ယးအူးထီ့၀ါင္
သႛင္းဖုင့္ ဃွဴးထီၟ႓င္းဆါင္း
ပူရိင္လး ၀ါင္သါင့္နိဳင့္ကါင္း။
လီဟွယ့္သူးခႜိင္း ဍိဳင္ဏါင္ဃွံင္
ဖ၀့္တု္ကို၀္ဖါ ေခါဟ္လံင္စံင္
ဆီ့ဏင္ဖါင္ၟကယ္ ပု္ညင္ၟလံင္
အင္းယွံင္ေမ၀္ လိက္ပ်ဳက္ဖယ့္႓ံင္။
ဖယ့္သု္၀ါ့႓ံင္ ဏု္ေဖွ္ထ
ဏင္းထင္းသာယူၟ လံင့္ကံင္ဆါ့
႓ို၀္ဏါင္းယို၀္ ဏံင္းဖိုင္သု္၀ါ့
လု္အွ္လိုင္ ဟွာဏံင္းလုက္ခႜါ။
ထံင္ဟွးခါန္ၟယါင္ ထီသို၀္ေဟွး
စမၸါဖ၀့္ လင္ယီးလင္ေ႓ႜ၀္
အု္ဏါင္ၟဖ၀့္ လင္ဃွဳဲးခြိက္ေ၀့
ယါန္ၟသင့္လာယွဴး အွ္လိုင္ေအး။
ထံင္ခါန္ၟမု္ညာ ယု္ထီသို၀္
သါယူၟ႓းဏု္ စြးသၞိဳ၀္
ဏု္အဲထုက္ ဖယ့္သု္၀ါ့႓ို၀္ၟ
ပါသိင့္ေအး ဏု္လ္ုဏင္းစို၀္။
ဆိက္ ဃွဳဂ္ေဍဏံင္း လု္ကါဍၚ
သိင္း ၀း လုက္ ထီ့ေခႜါဟ္လင္သၚ
ဖႜဳံဆိုဒ္အု္က်း ယီးလင္ယၚ
ခါန္ၟယါင္ခြါ႕ ဏင္းဆိုင့္လာၟဆၚ။
နာန္ၟဖ၀့္က၀္ေက၀္
ဖူ့တာမိက္ဘေလာ့မွ တဆင့္ယူထားသည္။ ေက်းဇူးတင္ပါသည္
9.3.2010
ထုံၟကု္ဆုဂ္ ကဲဍာ္“မာ”
ထုုံၟကု္ဆုဂ္ ေအေသွ္ဍာ္ “ထုံၟ”
ထုံၟကု္္ဆုဂ္ ေအေဏ၀္ၟဍာ္“အွ္”
ထုံၟကု္ဆုဂ္ ႓းလု္ေအးစာ္႓ုိ၀္…
တႜာ္ပြယ္သာ့ ေအယာင္။
ထင္းလု္က်း သီ့လု္႓ႜင္၊
အွ္ေကာ၀္ၾကင္လံင္မ၀့္မွ္၊
စူးလာၟခ၀့္ေအ၀ါဍာ္၊
သာအိုင္ခၚ မု္ထုဂ္ယွး။
သုဲးေဍယး မြာဲဟု္ဆုိဒ္ဟွင္ၟ
မု္အင္းလယ္ေဍအု္က်း၊
ယွးမုဂ္ေခါဟ္ ကာ႓ၚလာၟဏင့္၊
ဆု္အုင္းဍီေအပႜီပႜာခုိတ္၊
အု္သုဲးသာ္ ယးေ႓ႜ၀္ဍးေ၀့၊
အု္ဖၚဏံင္ ဃွံင္ထံင့္အွ္ဍာ္၊
မု္တုိဒ္ဆုိင္ ထံင္ၟေအေဏ၀္ၟလွ္။
ဆု္ယ၀့္ကးကၚ လု္အွ္႓းယုိ၀္၊
တုိဒ္မ၀့္မွ္ ကုက္မ၀့္မွ္လွ္။
ေထာဟ္ယွးဓံင့္( နံင္းမ်လြာဲ)
ေဏ၀့္ေမာ၀္ၟေဖါဟ္သယ္အု္ဆု္မာ၊
လု္သိင္းခီ့ထ၀့္ ဆုက္လင္သာ၊
ဆုိင့္ခိင္ၟအုဲး ဖ၀့္စင္လု္ဖး၊
အင္းဆုဂ္ေဏ၀္ၟ ထာင္ေဆာတ္ေ၀့ဍး၊
လု္ငယ္င၀္ ဃွဴ႔ဃွင္တယ္စြး။
ထံင္ၟေဏ၀့္ဍဳံ လု္ဍဳံဏွ္အုိ၀္၊
ေဏ၀့္ေမာ၀္ၟယွာၟ႓ိင္း အးသၞဳိ၀္၊
ေလ၀္႓း႓ုဂ္ ဏင္ၟ႓ိင္းလု္ေဃွ၀္၊
ထုဂ္ဟွာင္ၟ႓်ာ ဃွဴ႔ဃွင္လုက္ေခႜ(ေခႜ၀္)၊
သာအဲဆုိင္အွ္ေ၀့ သုိဲသုဲိ။
ဍဴလာ့ေဖါဟ္သယ္ အု္ဆု္မာ၊
လု္ဆု္လင္ဖုိဟ္ ဟွင္းေခါဟ္ဍာ၊
ဆု္အူးအံင္အး စုဂ္ပုံသာ၊
ႏုိင့္ဃွီးႏုိင့္အူး ပါပုိင္ကႜာ၊
အင္းေ၀့ဍးအုဲး စြးသု္ကါ။
လု္႓ိင္းေဍလု္႓ိင္း အု္ဟွင္ၟ၊
ဏု္ဆးအင္း ယု္အင္းဟွဳက္အင္း၊
ယု္ဆးအင္း ယု္အင္းဟွဳက္အင္း၊
အင္းဟွဳက္အင္းဆး ေခါဟ္က်ံင္ဏွ္၊
အု္က်းဟွာဟွံင္ လုက္ခႜာလွ္။
ယူေသွ္လာၟဏင့္ မ၀့္မွ္သီး၊
ေဒၢတ္လု္႓းဍံင္ ဏင္ထီး၊
ေဏ၀့္ေဍဍဴလာ့ အု္ဆု္မာ၊
လု္႓းဍံင္တယ္ ကါင္ဖါသာ။
စင္ၟ႓ုိ၀္………
ဟွယ့္ဖါထင္း ဖႜဳံဆုိဒ္ေဖါဟ္ကႜာ၊
အ၀္ဖႜဳံထီ့ သုင္းမုက္သာယြာ၊
ေဍာဟ္ထင္းတယ္ ပု္သယ္လု္ဖး၊
မု္ကဲ႓းသာ ေဏ၀့္ေမာ၀္ၟဟွး၊
မု္ကဲ႓းသာ ဍဴလာ့ဟွး….။
ေအကဲ႓းသာ ေဏ၀့္ေမာ၀္ၟ႓ုိ၀္၊
႓းေဒၢတ္ ေ႓့ေဏ၀့္ေမာ၀္ၟသုိ၀္၊
ေအကဲဲ႓းသာ ဍဴလာ့႓ုိ၀္၊
႓းေဒၢတ္ ေ႓့ဍဴလာ့သုိ၀္။
ဖႜဳံဆုိဒ္ေဖါဟ္သီးေဟွး…….
ေကွ္သာေၿပ ေယာ၀္ၟစုိ၀္ေအထ၀့္၊
ပု္အု္က်း ေ႓့လု္ဟုံ႔ပႜ၀္၊
သာအဲဆုိဒ္ သုဲးဇာတာ္ဏွ္၊ ရုဲၟေဏ၀္ၟသာ့အု္ ကုိ၀္ဟွာဟွဟ္….။
စ၀္သာအာင္း(ထီ့၀ါ္န္ၟရ၀္)
